एमाले स्थायी कमिटी बैठक बस्दै, केन्द्रीय विभागलाई पूर्णता दिने तयारी

नेकपा एमाले स्थायी कमिटी बैठक आज पनि ललितपुरको च्यासलस्थित तुल्सीलाल स्मृति प्रतिष्ठानको भवनमा बस्दै छ ।

एमाले केन्द्रीय कार्यालय सचिव शेरबहादुर तामाङका अनुसार आज ३ बजे सब्ने बैठकमा केन्द्रीय विभागहरूको पूर्णता, विधान महाधिवेशन र सांगठनिक गतिविधिलगायतका विषय छलफलका हुने छ ।

यसअघि माधव नेपाल समूहलाई बाहिर राखेर गठन गरिएका विभागलाई नै पूर्णता दिने अध्यक्ष केपी ओली पक्षको तयारी छ ।

आइतबारको बैठकले देशभरका सबै पालिकास्तरको अधिवेशन आउँदो असोज ९ सम्म गरिसक्ने निर्णय गर्नुका साथै काठमाडौंमा पार्टीको विधान महाधिवेशन आयोजना गर्ने प्रस्ताव पारित गरेको छ ।