युरोकप २०२०: चेक रिपब्लिकसँग स्तब्ध बन्यो स्कटल्याण्ड, पेट्रिकले गरे दुई गोल

युरोकप २०२० अन्तरगत सोमबार भएको खेलमा चेक रिपब्लिकसँग स्कटल्याण्डले हार बेहोरेको छ । चेक रिपब्लिकले स्कटल्याण्डलाई २-० को अन्तरले हराएको हो ।

चेक रिपब्लिकका लागि पट्रिक सिकले दुई गोल गरेका थिए । उनले पहिलो हाफको ४२ औं मिनेटमा पहिलो गोल गरेका थिए भने दोस्रो गोल ५२ औं मिनेटमा गरेका थिए ।

खेलमा स्कटल्याण्डले राम्रो प्रदशर्न गरेको थियो । गोलको धेरै मौका पाए पनि पोष्टको जाली चुम्नबाट स्कटल्याण्ड चुक्यो ।

खेलमा विजय हासिल गरेसँगै चेक रिपब्लिकले ३ अंक पाएको छ । चेक रिपब्लिकले समूह ‘सि’को शिर्ष स्थानमा आफूलाई स्थापित गर्न सफल देखिएको छ ।