एकीकृत समाजवादीका अध्यक्ष माधव नेपाल अस्पताल भर्ना

काठमाडाैं। नेकपा (एकीकृत समाजवादी) का अध्यक्ष माधवकुमार नेपालकाे स्वास्थ्यमा समस्या देखिएको छ।

अस्वस्थ भएपछि उनी महाराजगञ्जस्थित त्रिवि शिक्षण अस्पतालमा भर्ना भएका छन्।
उनमा ज्वरो र खोकीको समस्या देखिएको छ । अध्यक्ष नेपालको स्वास्थ्य अवस्था सामान्य रहेको र केही दिन आरामसहित उपचार गर्न चिकित्सकले सल्लाह दिएको उनको निजी सचिवालयले जनाएको छ ।

उनको उपचारमा त्रिवि शिक्षण अस्पतालका वरिष्ठ छाति रोग विशेषज्ञ डा.सन्तकुमार दाससहितको टोली संलग्न छ।