बाबुराम–उपेन्द्र पक्षले ओलीको विपक्षमा मत दिने
काठमाडौं। जनता समाजवादी पार्टी (जसपा) का सांसदहरुले प्रधानमन्त्री केपी शर्मा ओली विश्वासको मत लिन संसदमा आउँदा स्वविवेक प्रयोग गर्ने भएका छन्।
पार्टीका शीर्ष नेताहरुको बैठकले सांसदहरुलाई ह्वीप नलगाउने निर्णय गरेको हो । संघीय परिषदका संयोजक डा.बाबुराम भट्टराईको निवास, टोखामा बसेको बैठकले सांसदहरुलाई ह्वीप नलगाउने निर्णय गरेको हो ।
बैठकमा अध्यक्ष महन्थ ठाकुर र वरिष्ठ नेता राजेन्द्र महतोले तटस्थ बस्ने प्रस्ताव गरेका थिए । तर डा.भट्टराई र उपेन्द्र यादव पक्षका नेताहरुले विश्वासको मतको विपक्षमा मत दिनुपर्ने बताएका थिए ।
दुई पक्षको मत बाझिएपछि मध्यमार्गी सहमति खोज्दै सांसदहरुलाई स्वविवेक प्रयोग गर्न दिने निर्णय भएको हो ।
सिफारिस
लोकप्रिय