थपिए १,४७६ जना कोरोना संक्रमित, १,५५० संक्रमणमुक्त

काठमाडौं। देशभर पछिल्लो २४ घण्टामा १ हजार ४७६ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १० हजार ५ सय ७५ पीसीआर परीक्षणमा १ हजार १०३ जना र ५ हजार ११५ एन्टिजेन परीक्षणमा ३ सय ७३ गरी १ हजार ४७६ जनामा कोरोना संक्रमण देखिएको हो।

यस्तै पछिल्लो २४ घण्टामा कोरोना संक्रमणबाट ९ जनाको मृत्यु भएको छ भने १ हजार ५५० जना निको भएको मन्त्रालयले जनाएको छ ।

नेपालमा कोरोना संक्रमितको कुल संख्या ७ लाख ८९ हजार ८७२ पुगेको छ भने ११ हजार ८१ जनाको मृत्यु भइसकेको छ ।