बैतडीमा जिप दुर्घटना हुँदा पाँच जनाको मृत्यु

काठमाडौं। बैतडीमा जिप दुर्घटना हुँदा ५ जनाको मृत्यु भएको छ । वडा सदस्यको शव बोकेको जिप दुर्घटना हुँदा अन्य पाँच जना घाइते भएका छन् ।

मृत्यु हुनेमा जीपचालक दशरथचन्द नगरपालिका–४ का ४५ वर्षीय तेजबहादुर बोहराको उपचारका क्रममा र पञ्चेश्वर गाउँपालिका–६ का २७ वर्षीय हिक्मत भण्डारी, ३० वर्षीय डम्मरसिंह भण्डारी, ४० वर्षीय दीपक भण्डारी र ५० वर्षीय जितसिंह भण्डारीको घटनास्थलमै मृत्यु भएको हो । घाइतेहरूको बैतडी जिल्ला अस्पतालमा उपचार भइरहेको छ ।

चट्याङ लागेर मृत्यु भएका पञ्चेश्वर गाउँपालिका–६ का वडा सदस्य गोविन्द भण्डारीको शव बोकेर सदरमुकामतर्फ जादै गरेको से १ ज १८३ नम्बर जीप दुर्घटना भएको प्रहरीले जनाएको छ ।