प्रधानमन्त्रीलाई विश्वासको मतमा फेल गराउने कांग्रेसको निर्णय

काठमाडौं । प्रमुख प्रतिपक्षी दल नेपाली कांग्रेस प्रधानमन्त्री केपी शर्मा ओलीले लिन लागेको विश्वासको मतको विपक्षमा उभिने भएको छ ।

आज बसेको पदाधिकारी बैठकले प्रधानमन्त्री केपी शर्मा ओली विश्वासको मत लिन संसदमा आउँदा असफल गराउने निर्णय गरेको हो ।

कांग्रेसले बजेट अधिवेशन बोलाउने समयमा प्रधानमन्त्रीले विश्वासका मत लिन विशेष अधिवेशन बोलाएकोमा असन्तुष्टि समेत जनाएको छ ।