नेपालविरूद्ध खेल्न कठिन हुन्छ : भारतीय कप्तान क्षेत्री

काठमाडौं। भारतीय फुटबल टोलीका कप्तान सुनिल क्षेत्रीले नेपालविरुद्धको खेल कठिन हुने प्रतिक्रिया दिएका छन्।

त्रिभुवन अन्तर्राष्ट्रिय विमानस्थलमा पत्रकारसँग कुराकानी गर्दै उनले नेपाली टिम कठिन रहेको र नेपालसँग खेल्न पाउँदा खुसी लागेको बताए।

नेपाल र भारतले १७ र २० भदौमा दशरथ रंगशालामा दुई मैत्रीपूर्ण खेल खेल्दैछन् । दर्शक प्रवेश गर्न दिने या नदिने भन्ने विषयमा भने अखिल नेपाल फुटबल संघ (एन्फा) ले सीसीएमसीको स्वीकृति पर्खिएको छ।

दुबै मैत्रीपूर्ण खेललाई फिफाले मान्यता दिएको छ । यस खेलले फिफा वरियता समेत प्रभाव पार्नेछ।

कप्तान सुनिलले यो मैत्रीपूर्ण खेल साफ च्याम्पियनसिपको तयारीको रूपमा समेत लिएको उनले बताए।