देशभर थपिए २४ सय संक्रमित, २६ जनाको मृत्यु

नेपालमा पछिल्लो २४ घन्टामा २ हजार ४३३ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ९ हजार ७०२ जनाको पिसिआर परीक्षण गर्दा २ हजार ५२ र ४ हजार ६७२ जनामा एन्टिजेन परीक्षण गर्दा ३८१ जनामा कोरोना संक्रमण पुष्टि भएको हो ।

काठमाडौंमा ५६१, भक्तपुरमा ६६ र ललितपुरमा १०६ जना संक्रमित थपिएका हुन् । अहिले काठमाडौं उपत्यकामा १० हजार २ सय ८५ सक्रिय संक्रमित छन् ।

यस्तै, २४ घन्टामा २६ जनाको कोरोनाबाट मृत्यु भएको छ । योसँगै कोरोनाबाट मृत्यु हुनेको संख्या १० हजार ६३८ पुगेको छ ।

यसैगरी, आज १९ सय २९ जना कोरोना संक्रमणमुक्त भएका छन् । हाल देशभर ३८ हजार ३८४ जना सक्रिय संक्रमित रहेको स्वास्थ्य मन्त्रालयले जनाएको छ ।