इंग्लिस प्रिमियर लिगमा लिभरपुलको लगातार दोस्रो जित

काठमाडाैं। इंग्लिस प्रिमियर लिगको नयाँ सिजनमा लिभरपुलले लगातार दोस्रो जित हात पारेको छ।

शनिबार साँझ भएको लिगको दोस्रो खेलमा लिभरपुलले बर्नलीलाई २–० ले पराजित गरेको हो। लिभरपुलको जितमा डिएगो जोटा र सादियो मानेले एक एक गोल गरे।

खेलको १८औं मिनेटमा गोल गर्दै जोटाले घरेलु टिमलाई अग्रता दिलाएका थिए। मानेले ६९ औं मिनेटमा गोल गर्दै २–० को जित दिलाए।

लिभरपुल दुई खेलबाट ६ अंकसहित तालिकाको शीर्ष स्थानमा उक्लिएको छ।
बर्नलीको यो लगातार दोस्रो हार हो।