महाधिवेशन मंसिर ९ देखि १३ गतेसम्म गर्ने कांग्रेसको निर्णय

काठमाडौं। नेपाली काङ्ग्रेसको महाधिवेशन आगामी मंसिरमा हुने भएको छ।

शनिबार बसेको केन्द्रीय समितिको बैठकले मंसिर ९ देखि १३ गतेसम्म केन्द्रीय महाधिवेशन गर्ने निर्णय गरेको हो।

भदौ १६ देखि १९ गतेसम्म तोकिएको महाधिवेशन हुन नसकेपछि कांग्रेसले तीन महिना पछि गर्नेगरी महाधिवेशन नयाँ मिति तोकेको हो।

केन्द्रीय समिति बैठकको निर्णयअनुसार अब भदौ २ गतेसम्म क्रियाशील सदस्यको अन्तिम नामावली बुझाउने समय तोकिएको छ। त्यस्तै भदौ २ गते नै निर्वाचन निर्देशिकालाई अन्तिम रुप दिइनेछ।

वडा अधिवेशन भदौ १८, गाउँ तथा नगर अधिवेशन भदौ २७, प्रदेश निर्वाचन क्षेत्रको अधिवेशन असोज १, संघीय निर्वाचन क्षेत्रको अधिवेशन असोज ५, जिल्ला अधिवेशन असोज १० र प्रदेश अधिवेशन कात्तिक १० देखि १२ गतेसम्मका लागि तोकिएको छ।