रामचन्द्र पौडेललाई बस्नेतकाे चेतावनी : तपाईंको घर घेर्ने अवस्था नआओस्

काठमाडौं । नेपाली कांग्रेसका केन्द्रीय सदस्य मोहनबहादुर बस्नेतले क्रियाशील सदस्यताका बारेमा अनावश्यक विवाद सिर्जना नगर्न रामचन्द्र पौडेल समूहलाई चेतावनी दिएका छन् ।

सभापति शेरबहादुर देउवा निवास बूढानीलकण्ठमा बसेको केन्द्रीय समिति बैठकमा उनले क्रियाशील सदस्यतामा अनावश्यक विवाद सिर्जना गर्न खोजेको भन्दै आक्रोश व्यक्त गरेका थिए ।

‘नेताले आफ्नो तरिकाले निर्णय गर्न खोजे । आफू पपुलर हुने भए छिटो अधिवेशन गरौँ भन्ने नभए नगरौँ भन्ने ?,” उनको आक्रोश थियो, ‘यदी तपाईंहरु विवादमात्रै गर्ने हो भने सयौँ नेता घर घेर्न आउने अवस्था सिर्जना हुन सक्छ ।” उनले कार्यकर्ताको मानमर्दन नगर्न पनि चेतावनी दिएका थिए ।