गोरु काटेको अभियोगमा छ पक्राउ

कास्की। माछापुच्छ्रे गाउँपालिका–२ मा गोरु काटेको अभियोगमा ६ जनालाई प्रहरीले पक्राउ गरेको छ।

पक्राउ पर्नेमा सो वडाका जीतबहादुर तमाङ, कुलबहादुर विश्वकर्मा, कुमार श्रेष्ठ, अभिनास तामाङ, अरुण तामाङ र सुकमाला तामाङ रहेको जिल्ला प्रहरी कार्यालयका प्रहरी नायब उपरीक्षक सुवास हमालले जानकारी दिए।

उनका अनुसार पशुपक्षीसम्बन्धी कसूर गरेको आरोपमा उनीहरुलाई जिल्ला अदालतबाट नौ दिने म्याद लिइ अनुसन्धान थालिएको छ।