रामकृष्ण र वेनिशाको ‘नयाँ जीवन’मा प्रकाश र मोनिका

रामकृष्ण ढकाल र वेनिशा पौडेलको स्वरमा रहेको मार्मिक गीत ‘नयाँ जीवन’ सार्वजनिक भएको छ । गीतमा संगीत दीपक शर्माको छ भने शब्द निशा अर्यालले लेखेकी छिन् । एरेञ्ज पुरुषोत्तम सुवेदीले गरेका छन् ।

भिडियोलाई निर्देशक बिक्रम स्वाँरले फिल्मी शैलीमा प्रस्तुत गरेका छन् । दुर्घटनावस् एउटा खुट्टा गुमाउन बाध्य कलाकार प्रकाश सपुत र मोडल मोनिका बुढाथोकीबीचको दुःखद रिल कहानीलाई निर्देशक स्वाँरले मार्मिक रुपमा पर्दामा उतारेका छन् । भिडियोमा कालु राणालाई नेगेटिभ क्यारेक्टरमा प्रस्तुत गरिएको छ ।

चक्र पुलामी र नेशनल तिखत्रीको कोरियोग्राफी रहेको भिडियोलाई तारा थापा ‘किम्भे’ले सम्पादन गरेका हुन् । छायांकन नवराज उप्रेतीले गरेका छन् । रेनिश फागोले कलरको काम गरेका छन् ।