प्रहरी हिरासतमा एक थुनुवा मृत भेटिए

जिल्ला प्रहरी कार्यालय धनुषाको हिरासतमा आज बिहान एक थुनुवाले मृत भे‍टिएका छन् । थुनुवाकक्षको शौचालयमा ती थुनुवा मृत भेटिएको प्रहरीले जनाएको छ ।

धनुषाका प्रहरी उपरीक्षक प्रकाश राणाभाटले लक्ष्मीनियाँ गाउँपालिका घर भएका थुनुवा पल्टु रविदासले मृत भेटिएको जानकारी दिए । उनी केही दिनअगाडि घरायसी विवाद हुँदा कुटपिट तथा अंगभंग मुद्दामा पक्राउ परेका थिए ।

एसपी भाटका अनुसार रविदास आफूले लगाउने गन्जी च्यातेर पासो बनाई भेन्टिलेसनमा झुन्डिएका थिए । घटना विषयमा थप अनुसन्धान भइरहेको प्रहरीले जनाएको छ ।