काबुलमा गरिएको रकेट आक्रमणको अमेरिकाद्धारा निन्दा

एजेन्सी। अफगानिस्तानको राजधानी काबुलस्थित राष्ट्रपति भवननजिकै भएको रकेट आक्रमणको अमेरिकाले निन्दा गरेको छ।

ईदको प्रार्थना भईरहेको समयमा राष्ट्रपति भवनलाई लक्ष्य गर्दै सो आक्रमण भएको थियो।

अमेरिकी विदेश मन्त्रालयका प्रवक्ता नेड प्राइसले पत्रकार सम्मेलनलाई सम्बोधन गर्दै काबुलमा रहेको राष्ट्रपति भवननजिकै भएको रकेट आक्रमणको निन्दा गरेका हुन्।

‘अमेरिकाले अफगानिस्तानमा हिंसाको अन्त्य र शान्ति पुनर्स्थापना गर्न आह्वान गरिरहेको र हामी राजनीतिक बस्तीमा जानको लागि द्रुत मार्ग र हिंसा अन्त्यको लागि आह्वान गर्दछौं’, प्राइसले पत्रकार सम्मेलनमा भनेका छन्।

ईदको प्रार्थनाको क्रममा राष्ट्रपति भवन नजिकैका क्षेत्रमा तीन रकेटहरु आक्रमण भएको जनाइएको छ। प्रवक्ताले अफगानिस्तानका जनता न्याय र स्थायी शान्तिको चाहनामा एकजुट रहेका र अमेरिका यसलाई कार्यान्वयन गर्नका लागि तयार रहेको बताएका छन्।

ईदको नमाजपछि समारोहमा बोल्नु हुँदै अफगानिस्तानका राष्ट्रपति अशरफ घानीले तालिबानको निन्दा गर्दै उनीहरूसँग शान्तिको चाहना नभएको बताएका छन्।