चौथो वेभ आएको दक्षिण कोरियामा २४ घन्टामा अहिलेसम्मकै बढी सङ्क्रमित

एजेन्सी। कोरोना भाइरसको चौथो वेभ देखिएको भनिएको दक्षिण कोरियामा कोभिड–१९का अहिलेसम्मकै सबैभन्दा धेरै सङ्क्रमित भेटिएका छन्।

दक्षिण कोरियाका अधिकारीहरुले दिएको जानकारीअनुसार त्यहाँ गत २४ घन्टायताको तथ्यांक हेर्दा कोभिड–१९ का सङ्क्रमितहरु एकै दिनमा अहिलेसम्मकै सबैभन्दा धेरै संख्यामा भेटिएका छन् ।

दक्षिण कोरियाको राजधानी सोल महानगरपालिका क्षेत्रमा २४ घन्टामा मात्र एक हजार ७८४ जना कोभिडका संक्रमितहरु भेटिएका हुन्। पछिल्लो छ महिनापछि एकै पटक यतिधेरै संख्याका सङ्क्रमित पहिलो पटक देखिएका हुन्।

दक्षिण कोरियामा गत हप्तादेखि निरन्तर रुपमा संक्रमितहरु बढ्दै गएको पनि
अधिकारीहरूले बताएका छन्। दक्षिण कोरिया कोभिड सङ्क्रमणको चौथो वेभमा प्रवेश गरेको छ। जसका कारण सरकारले स्वास्थ्य मापदण्डहरु अपनाउन कडाई गरेको छ।

योसँगै दक्षिण कोरियामा कोभिडका सङ्क्रमितको संख्या १ लाख ८२ हजार ७२२ जना पुगेको बताइएको छ।