टेलिफोन गरेर मोदीले दिए देउवालाई बधाई, खोप उपलब्ध गराउने आश्वासन

काठमाडौं। भारतीय प्रधानमन्त्री नरेन्द्र मोदीले नेपालका नवनिर्वाचित प्रधानमन्त्री शेरबहादुर देउवालाई टेलिफोन गरेर बधाई दिएका छन् ।

टेलिफोन कुराकानीमा मोदीले नेपाललाई छिट्टै कोरोना भाइरसविरुद्धको खोप उपलब्ध गराउने आश्वासन दिएका छन् ।

दुई नेताबीच कोरोना महामारीविरुद्ध संयुक्त रुपमा लड्ने बारेमा छलफल भएको भारतीय विदेश मन्त्रालयले ट्विटरमार्फत उल्लेख गरेको छ ।