नारायणकाजीले भने यो खुसी बनाउने बेला होइन

काठमाडौँ । नेकपा माओवादी केन्द्रका नेता नारायणकाजी श्रेष्ठले प्रधानमन्त्री शेरबहादुर देउवालाई जिम्मेवारी बोध गरेर काम गर्न आग्रह गरेका छन्।

संसदबाट विश्वासको मत प्राप्त गरेका कांग्रेस सभापति देउवालाई आइतबार राति सामाजिक सञ्जाल मार्फत् बधाइ दिँदै नेता श्रेष्ठले अहिलेको परिस्थितिमा खुसीयाली मनाउने भन्दा पनि जिम्मेवारी बोध गरेर काम गर्नुपर्नेमा जोड दिएका हुन्।

‘प्रधानमन्त्री शेरबहादुर देउवाले आज प्रतिनिधिसभाबाट विश्वासको मत प्राप्त गर्नुभएकोमा उहाँलाई बधाई तथा हार्दिक शुभकामना,’ श्रेष्ठले ट्वीटरमा लेखेका छन्, ‘खुसियाली मनाउने भन्दा जिम्मेवारी बोध गर्ने बेला हो यो, ख्याल गरौं।’