जीप दुर्घटनामा तीन जनाको मृत्यु, ११ जना घाइते

बैतडी। सिगास गाउँपालिका–३ बाट डडेल्धुरातर्फ गइरहेको से१ज ७३९ नम्बरको जीप लगन भन्ने स्थानमा दुर्घटना हुँदा तीन जनाको मृत्यु भएको छ भने ११ जना घाइते भएका छन्।

मृत्यु हुनेमा सिगास–३ का ४५ वर्षीय जयसिंह धामी, मानसिंह साउद र ६४ वर्षीय रामसिंह धामी रहेका छन्। उनीहरु तीनैजनाको घटनास्थमै मृत्यु भएको जनाइएको छ।

घाइतेमध्ये पाँच जनाको अवस्था गम्भीर रहेको जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले जानकारी दिए।

जीपका चालक १९ वर्षीय खगेन्द्र साउँद र जीप धनी ४४ वर्षीय हरिभान साउँद भने फरार रहेका प्रहरीले जनाएको छ। सोह्र जना सवार जीप सडकबाट करीब ५० मिटर तल खसेर दुर्घटना भएको हो।