ललितपुरको सानेपामा एक भारतीय नागरिकको हत्या

काठमाडौं। ललितपुरको सानेपामा एक भारतीय नगारिकको हत्या भएको छ। भारतको राजस्थानका ५९ वर्षीय सत्यनारायण पारिकको हम्मर प्रहार गरी हत्या भएको हो।

झ्यालबाट कोही व्यक्ति घरमा प्रवेश गरेर उनलाई हम्मर प्रहार गरेको हुनसक्ने ललितपुर प्रहरी प्रमुख एसएसपी किरण बज्राचार्यले बताए। उनका अनुसार घरका केही सामान पनि हराएकाले चोरी गर्ने उद्देश्यले आएको व्यक्ति घटनामा संलग्न हुनसक्ने आशंका गरिएको छ।

अन्तिम पटक पारिकले शुक्रबार साँझ एक जनासँग कुराकानी गरेको र त्यसपछि कसैसँग सम्पर्क भएको नदेखिएको प्रहरीले बताएको छ।

प्रहरीले शवलाई पोष्टमार्टमका लागि त्रिवि शिक्षण अस्पताल, महाराजगञ्ज पठाएको छ।