२ हजार ६०७ जनामा कोरोना संक्रमण

नेपालमा पछिल्लो २४ घण्टामा २ हजार ६०७ जनामा कोरोना भाइरस संक्रमण पुष्टि भएको छ ।
स्वास्थ्य मन्त्रालयका अनुसार १२ हजार ४८४ नमुनाको पीसीआर र एन्टिजेन विधिबाट परीक्षण गर्दा सो संख्यामा कोरोना संक्रमित थपिएका हुन् ।

आज देशभर कोरोना संक्रमणमुक्त भएर २ हजार १४१ जना डिस्चार्ज भएका छन् । योसँगै निको हुनेको संख्या ५ लाख ४५ हजार ६६२ पुगेको छ ।

नेपालमा कोरोनाबाट थप ३९ संक्रमितको मृत्यु भएको छ । योसँगै नेपालमा कोरोनाबाट ज्यान गुमाउनेको संख्या ८ हजार ५९७ पुगेको छ ।