मनाङका दुई खोलामा आएको बाढीले ६ घर बगायो

काठमाडौं। मनाङका दुई खोलामा बाढी आउँदा सदरमुकाम चामेमा ६ घर बगाएको छ । चामे बजारमा बाढीले धेरै पसल पनि बगाएको जिल्ला प्रहरी कार्यालय मनाङले जनाएको छ ।

सो स्थानका स्थानीयलाई अन्यत्र नै सारिएका कारण मानवीय क्षति भने हुन पाएन। बाढीले जिल्ला प्रहरी कार्यालय पनि डुबानमा परेको छ ।

लगातारको वर्षाबाट आएको बाढीले चामे गाउँपालिका १ तिमाङ खोलाको बेली ब्रिज बगाएको छ ।

यस्तै सो खोलामा रहेको ३२ किलोवाट क्षमताको लघु जलविद्युत पनि बाढीले बगाएको छ ।