असार १ देखि भदौ मसान्तसम्‍म सडक खन्न नपाइने

असार १ देखि भदौ मसान्तसम्‍म सडक खन्न नपाइने भएको छ । वर्षे कामको कारण गुणस्तर खस्किएको अवस्थामा यस्तो व्यवस्था गरिएको हो ।

संघीय सडक सुपरिवेक्षण तथा अनुगमन कार्यालयले सूचना जारी गर्दै कुनै बाहानामा तोकिएको यो समयमा सडक खन्न नपाउने जनाएको छ ।

२ महिनाको अवधिमा मातहतको सडक धारा,ढल, बिजुली, टेलिफोन आदि प्रयोजनका लागि सडक खन्न नपाइने उल्लेख गरिएको छ ।

कसैले जबरजस्ती सडक खनेको पाइएमा सार्वजनिक सडक ऐन २०३१ अनुसार कडा कारबाही गरिने कार्यालयले जनाएको छ ।

संघीय सुपरिवेक्षण तथा अनुगमन कार्यालय काठमाडौं अन्तर्गत उपत्यकासहित विभिन्न जिल्लाका सडकहरु पर्दछन् ।