काेराेनाबाट १२९ जनाकाे मृत्यु, एकै दिन ८,८४८ जना संक्रमणमुक्त

काठमाडौं। कोरोना भाइरसको संक्रमणबाट पछिल्लो २४ घण्टामा १२९ जनाको मृत्यु भएको छ भने ८ हजार ८४८ जना संक्रमणमुक्त भएका छन्।

स्वास्थ्य तथा जनसंख्या मन्त्रालयका अनुसार यो संख्या एकै दिन संक्रमणमुक्त हुने अहिलेसम्मकै धेरै संख्या हो। शुक्रबार ७ हजार ८९० जना संक्रमणमुक्त भएका थिए।

पछिल्लो २४ घण्टामा ८ हजार ९८० जनामा कोरोना भाइरस संक्रमण पुष्टि भएको छ। १९ हजार ३५७ पीसीआर परीक्षणमा ८ हजार ५९१ जना र ७४८ एन्टिजेन परीक्षणमा ३८९ जनामा संक्रमण पुष्टि भएको हो।