जेठ ९ मा संसद अधिवेशन, विश्वासको मत नलिई धारा ७६ (५) अनुसार सरकार गठन प्रक्रियामा जाने

काठमाडौं। प्रधानमन्त्री केपी शर्मा ओलीले संसदबाट विश्वासको मत नलिने भएका छन्। संविधानको धारा ७६(३) अनुसार प्रधानमन्त्री नियुक्त भएका उनले ३० दिनभित्र विश्वासको मत लिनुपर्ने हुन्छ ।

प्रधानमन्त्रीले विश्वासको मत पाउन नसके संविधानको धारा ७६ को उपधारा ५ अनुसार संसदमा बहुमत सदस्यको समर्थन प्राप्त गर्ने सांसदलाई राष्ट्रपतिले प्रधानमन्त्रीमा नियुक्त गर्न सक्नेछिन्।

बिहीबार बसेको मन्त्रिपरिषदको बैठले संसदको अधिवेशन जेठ ९ गते आह्वान गर्न राष्ट्रपतिसमक्ष सिफारिस गर्ने निर्णय गरेको छ ।