नेपालमा कोरोनाबाट मृत्यु हुनेको संख्या ५ हजार नाघ्यो

काठमाडौं । नेपालमा कोरोना संक्रमणबाट मृत्यु हुनेको संख्या पाँच हजार नाघेको छ ।
आइतबार कोरोना संक्रमणबाट मृत्यु हुनेको संख्या १४५ थपिएसँगै मृत्यु हुनेको संख्या ५ हजार १ पुगेको छ ।

कोरोना भाइरस संक्रमणको दोस्रो लहरमा मृत्युदर उच्च देखिएको छ । पछिल्लो एक सातादेखि मृत्यु संख्या तीन अंकभन्दा तल झरेको छैन। नेपालमा एकै दिन वैशाख २८ गते २२५ जनाको मृत्यु भएको थियो ।

यस्तै वैशाख ३० गते २१४, वैशाख ३१ गते २०३, जेठ १ गते १८७, वैशाख २९ गते १६८, जेठ २ गते १४५, वैशाख २७ गते १३९ जनाको मृत्यु भएको छ ।